Sunday, 20 October 2013

Humor Ambon



KM Tanjong Tasungsang dapa hantam dari ombak dan badai di sekitar Kepulauan Aru. 
Tiba-tiba seorang anak kecil berusia 5 tahun jatuh ke laut.
Samua orang panik karna seng ada yang brani lompat par kasih slamat
Anak itu dalam gelombang laut.


Seng disangka-sangka, Bapa Mat (75 thn)  segra buang badan ke laut dan
langsung baku dekat deng anak kacil  yang hampir tenggelam. 

Para ABK langsung lempar pelampung dan tali, lalu ditangkap oleh Bapa Mat.

Singkat cerita, Bapa Mat serta anak kacil itu kemudian ditarik naik ke kapal dengan selamat. 
Semua orang bersorak dan memuji keberanian Bapa  Mat. 
Orang-orang datang pegang  tangan, sementara anak kacil pung  orang tatua polo Bapa Mat sambil
menangis tahek-hek.

Kapten kapal serta ABK kemudian datang dan juga polo Bapa Mat, sambil

mengumumkan:

Kapten: 


"Basudara semua penumpang dan ABK KM Tanjong Tasungsang. Katong samua musti bilang trima kasih banyak
par Bapa Mat, karna antua paleng brani buang badan ke laut par kasih slamat anak kecil ini. 
Bapa Mat su jadi Pahlawan hari ini par katong samua"

(orang2 topu tangan). 


"Skarang atas nama semua orang di kapal ini, beta minta Bapa Mat bicara sadiki par katong jua."

Bapa Mat kemudian bajalang deng muka marah sambil liat orang satu persatu.
Orang-orang samua bingung, ini mangapa antua muka liat marah paskali?. 

Jawabannya baru ketahuan ketika Bapa Mat mulai bicara.

Bapa Mat: 


"Sebelum beta bicara lebe jauh, beta mau tanya dolo 
SETANG POTARBIADAB SAPA YANG TADI TOLA BETA KASIH jatuh dilautan?"...

No comments:

Post a Comment